غزل

2020-09-21

د مينې لوبه چا پيل کړې وه چا وګټله
د ملک لور رانه د کلي ملا وګټله!
 
ثواب يې وشو غريبان خلک جنت ته لاړل
په شهادت باندې يې بله دنيا وګټله!
 
زه خو دې پېژنمه خلک به دې نه پېژني
نه درته وايم مبارک شه چې تا وګټله! 
 
څه په هنر يې له مذهب نه ګټه واخستله
روس ماتې وخوړه جګړه امريکا وګټله!
 
راځه کېنو ډبل سري درسره بيا کومه
هغه پاڼۍ خو دې د پرې په غلا وګټله
 
د څو حاجيانو شيطانانو ملګرتيا دې وکړه
مسلمانۍ کې دې ځوابه له ما وګټله؟