روغتیا وزارت: افغانستان د کرونا له درېیمې خطرناکې څپې سره مخ دی

روغتیا وزارت: افغانستان د کرونا له درېیمې خطرناکې څپې سره مخ دی


  • 1 مياشت دمخه (27/04/2021)
  • نګینه ارشاد
  • 95

وروسته تر هغه چې په وروستیو څو ورځو کې په هېواد کې د کرونا وبا د مثبتو پېښو شمېر یو ځل بیا ډېر شوی دی د عامې روغتیا وزارت سرپرست وحید مجروح ویلي چې افغانستان د کرونا وبا له درېیمې څپې سره مخ دی. 

هغه ټینګار کړی چې د کرونا دویمه څپه تر اولې او درېیمه به یې تر دویمې هغې ډېره خطرناکه وي.

 نوموړي پر هېوادوالو غږ کړی دی چې روغتیایي سپارښتنو ته جدي پاملرنه وکړي.  

 نوموړي زیاته کړې چې که چېرته هېوادوال روغتیایي سپارښتنو ته جدي پاملرنه ونه کړي نو د کرونا درېیمه څپه به د نورو ګاونډیو هېوادونو په څېر ناورین رامنځته کړي.