ملګرو ملتونو افغانستان کې د وچکالۍ پر زیاتېدو اندېښنه ښودلې
- 1 ورځ دمخه (07/07/2025)
- سمسور نیوز
- 58
د ملګرو ملتونو د خوړو او کرنې سازمان په افغانستان کې د مخ پر زیاتېدونکې وچکالۍ په اړه اندېښنه ښودلې ده.
یاد سازمان پر خپله اېکس پاڼه لیکلي چې وچکالۍ کروندې او د کلیوالو ژوند سخت کړی چې له امله یې کروندګر له درنو زیانونو سره مخ دي.
د ملګرو ملتونو د خوړو او کرنې سازمان همدارنګه وايي چې د ژوند ژغورنې ملاتړ چمتو کوي؛ خو د غبرګون د کچې لوړولو، د راتلونکي فصلونو خوندي کولو او د ژور بحران مخنیوي لپاره په بېړني ډول ډېرو سرچینو ته اړتیا ده.
دا په داسې حال کې ده چې دغه سازمان تېره اوونۍ هم ويلي وو چې شدیده وچکالي د افغانستان له شمالي، شمال لودیځ او شمال خیتځو سیمو اوس ټول هېواد ته غځېدلې ده.
د افغانستان ډېری خلک په ځانګړې توګه د لرو پرتو سیمو اوسېدوونکي چې پر کرنه او مالدارۍ بوخت دي، په وروستیو کلونو کې د وچکالۍ له امله زرګونه کورنۍ له خپلو اصلي سیمو بېځایه شوې دي.