سمسور

خپلواکه، ټولنیزه او فرهنګی خپرونه

غزل

2020-09-21

خدای پامانۍ څه وه،بس زر کېنستم

لۀ تا په پښو تلمه،په سر کېنستم

صبر،دخپلې مور د پوندو چاودې

زما په سر راوست چکر کېنستم

تاویل خاورې!ماوېل،ځاااار،ودرېدم

تاوېل پکار مي دي سره زر،کېنستم

تۀ په زړه خوړین د تاج محل دننه

زۀ مسک د سیوري په څادر کېنستم

دشېبو نېښ نېښ مي خوري ویني د زړه

د انتظار د مار په سر کېنستم

مړ وم،اخر مي د یوې چغې په لاس

وټکولو د خدای ور،کېنستم

فقط،لحد، لوحه،جنډه مي نه وه

ځانته له ځانه چي بهر کېنستم

د رڼا ضد ښار کي زۀ تل ایثاره!

په هر یو وره کي لکه لمر کېنستم

د ښاغلي نسیم ایثار شعرونه - نور

6. چي مینه

12. دخدای غزل