چين د روسيې د هغه اقدام هرکلی کړی چې د افغانستان سرپرست حکومت يې په رسميت پېژندلی دی
- 1 ورځ دمخه (04/07/2025)
- سمسور نيوز
- 112
د چين د دولتي رسنۍ چين ګلوبل ټايمز د راپور له مخې، د دغه هېواد د بهرنيو چارو وزارت وياندې مايو نينګ په يوه خبري غونډه کې ويلي، هېواد له افغانستان سره د نړيوالو اړيکو د پياوړتيا ملاتړ کوي.
نوموړې دغه راز ويلي، چين نړيواله ټولنه هڅوي چې، د افغانستان بيا رغونه کې همکاري وکړي.
وړاندې ليکل شوي، چين د سرپرست حکومت د بيا واک ته رسېدو وروسته اړيکې ښې ساتلي او د دوه اړخيزه اړيکو د پياوړتيا په برخه کې يې همکاري کړې ده.
د يادونې ده چې چين هم يو له هغه هېوادونو څخه دی چې د سرپرست حکومت د سفير باور ليک يې منلی دی.