روسيه: چمتو يې چې د ۶۰۰۰ اوکرايني سرتېرو جسدونه ورکړو
- 1 اونۍ دمخه (11/06/2025)
- سمسور نيوز
- 85
د روسيې د بهرنيو چارو وزارت وياندې ماريا زاخارووا ويلي، هېواد يې چمتو دی چې د هغه ۶ زره اوکرايني سرتېرو جسدونه اوکراين ته وسپاري چې جګړه کې وژل شوي دي.
د دغه سرتېرو د تبادلې هوکړه د دواړو هېوادونو ترمنځ دويم پړاو مذاکراتو کې شوې وه.
روسيې هيله ښودلې چې اوکراين هم ورته اقدام وکړي او د روسي سرتېرو جسدونه ورته وسپاري.
بايد ياده شي چې د دواړو هېوادونو ترمنځ د سولې دوه پړاوه مذاکرات شوي، خو تراوسه دواړو هيوادونه يوازې همدې توافق ته رسیدلي چې يرغمل شوي ازاد او جسدونه يو بل ته وسپاري.