2022-10-03
دا دی اخير مو وږو ونيول د مار سرونه
موږه د خدای تر کوره وشيندل پر لار سرونه
په خوله درګرده د عربو د خدای نوم اړوي
يو سل و يو تسپې، پېيلي دي په تار سرونه
اوس دې نور نر شي څوک په ما دې استغفار ووايي
ما چې ليدلي، خوندي نه کړل د خدای پار سرونه
زموږ په جنګ کې هم ترخه خبر په ګل بدلېږي
خو د جومات په دهلېزونو کې هوار سرونه
تاسې به ګورئ چې د اوښ لکۍ له بېخه وځي
اتي به نه وي چا تړلي، په چلتار سرونه
د دين ناوې ته د عربو د پلار ژرنده ګرځي
او موږ په صف ورته نيولي دي، په وار سرونه
زموږ د خپلې لندې خاورې بوی ګناوې غواړي
موږه به څه د دوی محراب ته ږدو کتار سرونه
چې اعلانېږي، يو په بل پسې غدار سرونه
په دې وطن کې بس همدغه دې د کار سرونه