د افغانستان فوټبال تر شل کلنو کمعمره ملي لوبډله له تاجکستان سره لوبه کوي
- 1 اونۍ دمخه (10/06/2025)
- سمسور نیوز
- 141
د افغانستان فوټبال تر شل کلنو کمعمره ملي لوبډله د مرکزي آسیا اتلولۍ (کافا) سياليو کې خپله لومړۍ لوبه د تاجکستان پر وړاندې ترسره کوي.
دا لوبه نن شپه ( د غبرګولي ۲۰مه) د کابل پر وخت د شپې په ۸:۳۰ دقیقو د تاجکستان په دوشنبې ښار کې ترسره کېږي.
افغانستان د یادو سیالیو په (A) ګروپ کې له تاجکستان او قرغیزستان سره لوبېږي.
د افغان لوبډلې دویمه لوبه به راتلونکې پنجشنبه د قرغیزستان پر وړاندې ترسره شي.
د یادونې وړ ده چې د مرکزي آسیا اتلولۍ (کافا) سياليو په (B) ګروپ کې بیا د ایران، ازبکستان او ترکمنستان لوبډلې سیالي کوي.