عمر داودزی: پاکستان پوهه شوی، چې امن افغانستان کې یې ګټې نغښتي دي

عمر داودزی: پاکستان پوهه شوی، چې امن افغانستان کې یې ګټې نغښتي دي


  • 3 مياشتي دمخه (27/04/2021)
  • نګینه ارشاد
  • 221

د پاکستان لپاره د ولسمشر ځانګړي استازي عمر داوودزی وایي، چې پاکستاني پلاوي په کابل کې د خپل سفر په لړ کې له ګڼو افغان چارواکو سره کتلي دي. 

د هغه په خبره په دې سفر کې تر ډېره دواړو لورو د بهرنیو ځواکونو پر وتلو او د اړیکو پر پراختیا خبرې کړې دي. 

داودزی زیاتوي، چې افغان او پاکستاني لوري توافق کړی دی چې د بهرنیو ځواکونو تر وتلو وروسته د اړیکو د رغولو لپاره هڅې په کار دي او هوکړه شوې چې له سره به د اړیکو رغولو لپاره کار کېږي. 

 عمر داودزی دا هم وايي چې له افغانستان د امریکايي ځواکونو وتل د پاکستان او افغانستان دواړو په ګټه دي او پاکستان دا منلې چې با ثباته افغانستان یې په ګټه دی.

د افغانستان لپاره د پاکستان د لومړي وزیر عمران خان ځانګړي استازي محمد صادق په مشرۍ د پاکستان یو پلاوی د یک‌شنبې په ورځ کابل ته په دوه ورځني سفر راغی او دلته یې له ګڼو افغان چارواکو سره ولیدل.