ولسمشر غني: د ډاکټر ناکامورا نیمګړې پروژې بشپړېږي.

ولسمشر غني: د ډاکټر ناکامورا نیمګړې پروژې بشپړېږي.


  • 5 مياشتي دمخه (22/02/2021)
  • خالد سهار
  • 177

له ارګ څخه په خپره شوې خبر پاڼه کې راغلي، چې افغان ولسمشر محمد اشرف غني په کابل کې د جاپان هېواد له سفیر، تاکاشي اوکاتا سره کتلي دي.

 

سرچینه وایي، چې دواړه لوریو په دې کتنه کې د دواړو هېوادونو د همکاریو پر پراختیا او د ډاکټر ناکامورا پر پروژو د دوام بحث او خبرې وکړې.

 

د سرچینې په حواله، چې ولسمشر غني جاپان د اففانستان پخوانی دوست بللی او دغه راز یې د دغه هېواد له هر اړخیزو همکاریو او نویو ژمنو مننه کړې ده. 

 

سرچینې زیاته کړې، چې ولسمشر غني د ډاکټر ناکامورا د پروژو په ځانګړي ډول د اوبو مدیریت او کرنې پراختیا په برخو کې د ملاتړ او د تطبیق ډاډ څرګند کړی دی. 

 

سرچینې ویلي، چې په کابل کې د جاپان هېواد سفیر د دغه هېواد پر مرستو او همکاریو ټینګار کړی دی.