غني د ملګرو ملتونو له ځانګړې استازې سره ولیدل

غني د ملګرو ملتونو له ځانګړې استازې سره ولیدل


  • 9 مياشتي دمخه (16/12/2020)
  • محمد نسیم ستانکزی
  • 237

 

ولسمشر محمد اشرف غني په افغانستان کې د ملګرو ملتونو له ځانګړې استازې سره پر افغان سوله او په دوه اړخیزو مسایلو خبرې کړې.

ولسمشرۍ مانۍ وایي، په دې ناسته کې دواړو لوریو د سولې پروسې، د تاوتریخوالي پای ته رسولو پر اړتیا، اوربند او کرونا ویروس سره د مبارزې په برخه کې د ملګرو ملتونو اړوندو بنسټونو د مرستو پر غوره انسجام خبرې وکړې.

ارګ وایي، په ناسته کې دواړو لوریو د روان تاوتریخوالي پر زیاتېدو اندېښنه وښوده او ولسمشر غني ویلي چې نړیواله ټولنه باید د تاوتریخوالي ختمولو په خاطر زموږ د خلکو د برحقه غوښتنې هر اړخیز ملاتړ وکړي.