خوست د غیرت او میړانې اتله مورچه


  • 8 مياشتي دمخه (21/09/2020)
  • بسم الله اکبري
  • 242

د اریانا په لرغونو اثارو کې خوست د سواست په نامه یاد شوی دی چی د سانسکریټ په ژبه کې د اوسیدنی او استوګنی سمسوری او وړ سیمی په مانا دی چی د زمانی په تیریدو سره خوست شوی دی. ښایی همدا لامل به وی چی زموږ د ګران هیواد افغانستان د ټولو ولایتونو په پرتله په خوست کې خورا ګڼ میشته قومونه لکه وروڼه یو تر بله څنګ په څنګ اوسیږی او د تاریخ په اوږدو کې د هر بلوسګر او دوښمن په وړاندی په اتلواله جنګیدلی د وطنپالنی او سرښندنی ستری کارنامی یی زموږ د هیواد په ویاړلی تاریخ کې لکه ځلانده ستوری ځلیږی. د افغانستان د خپلواکی د ګټلو په ستره حماسی معرکه او ملی پاڅون کې یی د لوی پکتیا د باتورو او جنګیالیو قومونو سره اوږه په اوږه ستری سوبی او ستری ویاړنی ګټلی دی چی څه نا څه پنځوس زرو افغان شاه ځلمیانو د پرنګی ښکیلاګرو پر ضد غزا او مبارزه کې خپل سرونه ښندلی دی چې د هغه په برکت د خوست له غیرتی مورچی څخه د افغانستان خپلواکی تر لاسه شوه. دا دی یو ځل بیا د لویی پکتیا د غیورو او میړنیو قومونو په څنګ کې غیرتی او بیدارو خوستیانو، شاه ځلمیانو او ملالو پیغلو د افغانستان د راتلونکی برخلیک د ټاکلو په ستره تاریخی او ملی ازموینه کې څرګندی بریاوی ترلاسه کړی د ننګ او همت شمله یی د شمشاد او سپین غر د هسکو څوکو په څیر رپیږی ځکه یی زموږ د ګران هیواد د ملی پیوستون او ملی یوالی دوښمن بړیڅی په غوسه کړی او په مالیخولیایی توګه یی د وطنپالو خوستیانو او لوی پکتیا د زړورو قومونو په وړاندی د درغلیو تر پوښښ لاندی اوتی بوتی پیل کړی دی. د دویم ځل د ټول ټاکنو بهیر زموږ د هیواد د تنکیو ماشومانو او باتورو ځلمیانو د سپیڅلو وینو او سرښندنی په بیه او د سپین ږیرو بوډاګانو د ګوتو په ظالمانه غوڅولو او د دغه بی ساری ناورین په ګاللو سره تر سره شو خو د زر او زور لیونی او مافیایی رسوا کړۍ د خپلو پوچو تورونو غورتو پرتو په بی منطقه غوغا سره غواړی د انتخاباتو دغه دیموکراتیکه ولسی او ملی ستره بریا سبوتاژ او په هیواد کې نورو خونړیو شخړو او وینو تویولو ته لمن ووهی په ښکاره دیموکراسی نه غواړی بلکی پنجشیرکراسی غواړی چی د دغو ناعاقبت اندیشه زورواکانو له خوا د خپلو لږه کیو بړیڅو په وړاندی د افغان د باتور او ستر ملت غوسه او کرکه راپاروی دا هغه ستره تاریخی نه جبیره کیدونکی تیروتنه او خیانت دی چی د هغه ناولی او ترخی پایلی به د دغو اوربلوونکو او ځان غوښتونکو او باشانو په ټنډه به تور داغ وی او د هیواد راتلونکی نسلونه به نفرین پری وایی زموږ هیواد د ټولو وروڼو قومونو ، قبایلو او ملیتونو ګډ کور دی او په دغه لوی کور کې کوره کی جوړول د شیطانانو او شرمیدلو دوښمنانو ستره توطیه ده چی د سیمه ییزو څارګرو ادارو له خوا تمویل او رهبری کیږی. د هیواد د تاریخ په دغه حساس پړاو کې باید هغوی ځانونه په سد کړی او د میلینونو ډالرو د اختلاس، غلا چور او چپاول له نیشی څخه راووځی. افغان باتور او میړنی ولس خپله پریکړه او پولادی هوډ ښکاره کړی دی او د هیواد د ستر، نامتو، ویاړلی او نومیالی رښتینی افغان بچی اشرف غنی ترشا چی د ملی سمبول او ملی وحدت څرګنده او درنه ککرۍ ده ولاړ دی او د هغه د زعامت او مشرتابه لاندی به انشا الله زرترزره ستر ملی جشن ته په دغه ناره په خوښیو او مستو اتڼونو پر مخ ځی. ننګیالي چې یوخوا مخ کړي په شا نه ځي که پرې ومري عزم ټینګ ساته په زړه کې خپل هدف ته په غورځنګ ځه د سمسور،ودان او یوموټی افغانستان په هیله بسم الله اکبري هالند ۱۷-۰۶-۲۰۱۴