لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
04.03.2020 د ښاغلي سيد جيلاني جلان شعرونه 27.02.2020 د ښاغلي عبدالله شاه "ژوندون" شعرونه 27.02.2020 د ښاغلي احسان الله درمل شعرونه 20.01.2020 د ښاغلي نسیم ایثار شعرونه 02.01.2020 د ښاغلي درويش روښان شعرونه 24.11.2019 د ښاغلي پير محمد کاروان شعرونه 24.11.2019 د ښاغلي رحمن الله ریحان شعرونه
 
غزل
  نېټه: 25.11.2019  
شـعور د خپل اولس د بيدارۍ په کې شمارمه
زه هره ساه واپس اخلم سلګۍ په کې شمارمه

چې غنه د خپۍ اوباسم په جيب کې يي ساتمه
ګريوان د هر مظلوم ګورم تڼۍ په کې شمارمه

څه خلک د دې ملک د ابادۍ دعوې دروغ کړي
او څه خلک چې لاس جګ کړي پولۍ په کې شمارمه

هـغه راله زخـمي ګوته تړي په تار د زلفو
او زه تشه بټوه ګورم روپۍ په کې شمارمه

څه خپله بې وسي ژاړم او څه ستا ارمانونه
چې کوم دکان ته ودريږم والۍ په کې شمارمه

بلها مجسمې په دغه ښار کې خلک پلوري
بلها ائينې راوړمه ګونګۍ په کې شمارمه

زه هسې د ګلاب په مخ د اوښکو رس ته اوګورم
زه هسې ستا د سترګو لولکۍ په کې په شمارمه

سندره د زړه درد لري که نه درويش روښانه
ټوپک په ساز کې اړوم شپيلۍ په کې شمارمه
 
بېرته شاته