لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
04.03.2020 د ښاغلي سيد جيلاني جلان شعرونه 27.02.2020 د ښاغلي عبدالله شاه "ژوندون" شعرونه 27.02.2020 د ښاغلي احسان الله درمل شعرونه 20.01.2020 د ښاغلي نسیم ایثار شعرونه 02.01.2020 د ښاغلي درويش روښان شعرونه 24.11.2019 د ښاغلي پير محمد کاروان شعرونه 24.11.2019 د ښاغلي رحمن الله ریحان شعرونه
 
غزل
  نېټه: 24.07.2019  
پر ما میَنه شوه د خیال ښاپېرۍ وا عالمه 
ویې نمانځلم په دویمه ځوانۍ وا عالمه

میناتوري مې د زړګي پر پاڼه نوې کوي 
په کې نغمه یې مجسمه نرۍ وا عالمه

ګلپاڼې ستا یې راته توري د شعر وا ګلابه 
ماته یې راکړه د نرګسو نړۍ وا عالمه

راته را ویښ یې کړل دانه دانه ماشوم خوبونه 
راته موسکي یې کړل ګړۍ په ګړۍ وا عالمه

د سپوږمۍ شپه ده د سوما د ګلو جشن ته ځو 
را سره مل ده د غزل روهېلۍ وا عالمه

رنګ و خوشبو یې سره ګډ، وایي نغمې پې لیکه 
راته یې ډکې د باران شیشه ګۍ وا عالمه

کړمه کاروان یې د شعرونو د زرغون سمندر 
له سُر و تال یې راته جوړه بېړۍ وا عالمه 
 
۲۹ سرطان ۱۳۹۸ کابل
 
بېرته شاته