لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
17.06.2019 د ښاغلي احسان الله جرس شعرونه 17.06.2019 د ښاغلي اتل افغان شعرونه 17.05.2019 د ښاغلي نصيراحمد شهاب شعرونه 17.04.2019 د ارواښاد عمر دراز مروت شعرونه 27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه
 
مينه
  نېټه: 17.06.2019  

ربه و ما ته وزرونه راكړه 

چي سم روان د هسك اسمان و لور ته 
له دغو خلكو څخه لري سمه 
او پرواز وكړمه د لمر و كور ته

چي بيا له هغه پورته شنه اسمان نه 
لاندي و دې نړۍ ته وګورمه 
چي يو د بل، بل د بل زړه ماتوي
د وخت و دې لړۍ ته وګورمه

داسي به سترګي ډېري و لغړوم 
چي مينه ووينم نفرت ووينم 
همداسي ټوله موجودات ووينم 
چي دوږخ ووينم جنت ووينم

بيا به د ټولو كايناتو څخه 
له هغه ځايه عكاسي وكړمه 
د ټولو ښه او بد به كړمه مالوم 
دا به له ځانه شهكاري وكړمه

له دغو ټولو اخيستنو نه به 
بس د شاعر غوندي يو شعر وليكم 
چي مركزي ټكى يې مينه وي پس
ټول كاينات به پرې چاپېر وليكم

بيا به نو دغه جوړ كړه سوى شعر 
د اسمان پاكي پرښتې واوري
ځكه 
نه غواړي دغه نفرتي وګړي 
د ميني پاكي كليمې واوري
 
۲۹/ ۳/ ۱۳۸۱ كندهار
 
بېرته شاته