لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
17.06.2019 د ښاغلي احسان الله جرس شعرونه 17.06.2019 د ښاغلي اتل افغان شعرونه 17.05.2019 د ښاغلي نصيراحمد شهاب شعرونه 17.04.2019 د ارواښاد عمر دراز مروت شعرونه 27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه
 
ستوري
  نېټه: 17.06.2019  

 موږ د ښكلا په لوري ځو د ميني توري راوړو 

او د وطن د هسك لپاره رنګين ستوري راوړو
 
ځو له تقدير څخه بدله د كړاوونو اخلو 
او د ژوندون شلېدلى هار مو پرله پوري راوړو*

څنګه ملګرو زموږ ادب به پرمختګ و نه كړي
چي هر غزل كي د الله د نامه توري راوړو
 
موږ خو په شان د پتنګانو قربانۍ لره ځو 
د ازادۍ شغله د خپل وطن په لوري راوړو

چي حريفان راته بې ننګه كله و نه وايي
د تن څراغ لره د وينو تېل سرزوري راوړو
 
موږ په ټوپونو بيا دلمر كاله و خواته درومو 
داسي څراغ چي ټوله يو شان رڼا پلوري راوړو

۹/۴/۱۳۸۰ كندهار
* تر دغه ځايه د پتيال صاحب د غزل څخه اخيستنه 
 
بېرته شاته