لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
17.06.2019 د ښاغلي احسان الله جرس شعرونه 17.06.2019 د ښاغلي اتل افغان شعرونه 17.05.2019 د ښاغلي نصيراحمد شهاب شعرونه 17.04.2019 د ارواښاد عمر دراز مروت شعرونه 27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه
 
غزل
  نېټه: 29.03.2019  
خدایه بنده که په ښکلا ليکي نو څه به ليکي؟ 
هغه چې ستا د ذات ثنا ليکي نو څه به ليکي؟

دا بدرنګي دا د ژړا موسم که يو خوا ته کړي 
فرض کړه که بيا هم څوک خندا ليکي نو څه به ليکي؟

هغه د بل څراغ خلاف حرف اخېر وليکه 
اوس که څوک حق کې د رڼا ليکي نو څه به ليکي؟

دا بې چاره پرېږده چې شونډې او زلفان يادوي 
دا که غزل په ارتقا ليکي نو څه به ليکي؟

زه چې د وخت د نقادانو په حصار کې ېمه 
دوي چې په فن باندې زما ليکي نو څه به ليکي؟

دا سړى ګرم نه دى چې تل بې وفايي يادوي 
دا که سندرې د وفا ليکي نو څه به ليکي؟
 
بېرته شاته