لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
17.06.2019 د ښاغلي احسان الله جرس شعرونه 17.06.2019 د ښاغلي اتل افغان شعرونه 17.05.2019 د ښاغلي نصيراحمد شهاب شعرونه 17.04.2019 د ارواښاد عمر دراز مروت شعرونه 27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه
 
غزل
  نېټه: 06.03.2019  
مخ مې ستون کړه لۀ اسمانه، ناروا راباندې وکړه 
یو ديدن درڅخه غواړم، بس همدا راباندې وکړه

پۀ هر حُسن پسې ماته، هرجایي زما نظره
چې پۀ هر بازار دې پېښ کړم، تا سودا راباندې وکړه

اووو! زۀ څۀ خبر وم یاره، چې هېرېږې مې نشه کې
ستا پۀ زړۀ مې دې قسم وي، کۀ چا بیا راباندې وکړه

رب، ژونده، ياره، عقله، پرما حد د ظلم کم دی
څو مضبوط دردونه راکړه، انتها راباندې وکړه

چې مئین تر بلبل نۀ یم! چې پاک نۀ یم لۀ کوترې!!!
تۀ وزرونه راله راکړه! تۀ هوا راباندې وکړه!!!!

ماتې، ماتې سترګې مخ یم، ماتې، ماتې آيئنې ته
خپلو تاندو، تاندو هيلو، څۀ بلا راباندې وکړه

نورمې ؤوېستې لۀ زړۀ نه، ځه پناه مې شه لۀ سترګو
چې وژلم کومې چيغې ، هغه تا راباندې وکړه

يو ځل بیا بدلوم سترګې، بیا دې مخې ته درېږم
هغه مات غوندې باور دې ، یوځل بیا راباندې وکړه
 
بېرته شاته