لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
17.06.2019 د ښاغلي احسان الله جرس شعرونه 17.06.2019 د ښاغلي اتل افغان شعرونه 17.05.2019 د ښاغلي نصيراحمد شهاب شعرونه 17.04.2019 د ارواښاد عمر دراز مروت شعرونه 27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه
 
غزل
  نېټه: 06.03.2019  
زما پۀ حال ، څۀ د مکېز ژړا دې راوسته
الله دې ښاد کړه ، ولا ښه خندا دې راوسته

زما د نېکو دوعاګانو سر لۀ تا مګر
چېرته چې سخته شېبه وه، پرما دې راوسته

ربه! کۀ ګل راوړي یا سترګې پټوي راباندې
مهمه نۀ ده چې لۀ هرې خوا دې راوسته

د ډولۍ مخې ته پۀ مست اټڼ خولې ځوانه
دې ته دې پام دی؟ چې پۀ نۀ رضا دې راوسته!

لۀ مانه غم وړې ځواني به ماته څوک راکړي؟
خېر کۀ تا وړې خوشحالي وه بیا دې راوسته

مینه کۀ ژوند و هم د ډېرو پکې برخه نۀ وه
او کۀ بلا هم وه پۀ چا او چا دې راوسته
 
بېرته شاته