لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه
 
غزل
  نېټه: 18.07.2018  
کائنات درته پسخېږي ايماندارې
عود له جسم دې بوئېږي ايماندارې

په کاکل دې د اوويا حورو نڅا ده
دوزخيان ورته سوزېږي ايماندارې

د غړۍ کوثر دې ورکړه ثواب واخله
تږي ټول ورته زورېږي ايماندارې

هله پام که ما در ژغوره کنه مرمه
جام د صبر مې توئېږي ايماندارې

د ملا د فيتوؤ پاي کې څه شکرې
غېږ ته ستا کله رسېږي ايماندارې

ما لاحولاة کړله چوف په ګريوانه کې
خو شيطان دی نه شرمېږي ايماندارې

ته راتيره له دوزخ. شه سر بلندې
له جنت دی درتاوېږي ايماندارې

نور يې هرڅه بلا پسې خو مګر تانه
ستا سرور کله صبرېږي ايماندارې
 
بېرته شاته