لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه
 
غزل
  نېټه: 13.07.2018  
په زړه مې خخې وې لشې سر ته به څنگه ختم
ستا د خمار خمار نشې سر ته به څنگه ختم

لارې کوڅې د غوړمبېدلو سپو د شور ډکې وې
نادانه ياره د کوټې سر ته به څنگه ختم

چې يې وړه وړه رڼا ستا په جبين پرېوته
لکه د تېلو د ډيوې سر ته به څنگه ختم

مينې ؛ چې تا به د پتنگ غوندې مستي کوله
د چراغونو د لمبې سر ته به څنگه ختم

زه چې درتلم نو لاس او پښې رانه پرې کړي وو چا
ستا د جنت د منارې سر ته به څنگه ختم

دا مې په ژوند کې د احساس نزاکتونه نه وو
سياله د گل او د وږمې سر ته به څنگه ختم
 
بېرته شاته