لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه
 
غزل
  نېټه: 28.05.2018  
پوره دې نه کـــړلې وعدې راسره پاتې نه شوې
چې مې غوښتلې تر هغې راسره پاتې نه شوې

دهــېرولــو په چــل نه پوهېږم څه وکـــــړمه؟
دخــــپلــولــــو دې اسرې راسره پاتې نه شوې

ســـــتا د راتلو د انتظار څومره اوږده سلسله!
په شوګیرونو کــې ډیوې راسره پاتې نه شوې

غــــم د دنیا ته په نمجنو سـترګو څه وګورم؟ 
اوښکې خو ستا په غم کې تلې راسره پاتې نه شوې

ما په قیامت کې هم د یو ځای پاڅیدلو ویل!
ظـالمــــې!  ته تر هدیرې راسره پاتې نه شوې

درته پړ نه یمه ســـتا خـــپله فیصله داسې وه 
درپسې وه مې کړې نارې راسره پاتې نه شوې

د وخت بادونو رانه وړې (سباوونه) ښکاري
دخپل معصوم ارمان ایرې راسره پاتې نه شوې
 
بېرته شاته