لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه
 
غزل
  نېټه: 12.04.2018  
راته په ډکه خوله موسکا وکړه
ډيوګۍ وسوځـــــه رڼا وکړه

راسره عــشق وکړه نڅا وکړه
یو په دی دو کې خامخا وکړه

د زړه په زخم مې لاسونه کیږده
د نیکۍ کار دی بسم الله وکړه

بیا د یو چا په لیدو بیا ولې؟ 
زړګیه څله دې درزا وکړه؟

هغې خبرې ته مې پام نه و 
هغه خبـــره راته بیا وکړه

لیونۍ ډېر دې پسې وژړلې 
لیونۍ چاته دې دعا وکړه

شرره بیا دې نظر وسیځله
شرره بیـــا دې ناروا وکړه
 
بېرته شاته