لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه 09.05.2018 د ښاغلي غزت الله ځواب شعرونه 24.04.2018 د ښاغلي شرر ساپي شعرونه 27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه
 
غزل
  نېټه: 12.04.2018  
شو مات رانه په زړه کې ستا د مینې خنجر واه
د باد په څېر یې خپور شو په دې چم کې خبر واه

له ستــرګو یې وریږي هــر خوا غشي د اجل
نیولی لیونــی دی په جنـــــت کې سنــګر واه

یو دم یې رانه تاو کړې سپینې لیچې غرڅنۍ
اخ! څنګه ترېنه وشو په موږ خوارو باور واه

حیا ته یې په نیمه شپه کې ستوري موسیدل
سپـرلی شو له حـــیرته َله جــامو نه بهر واه

د خــپلو پـــستو اوښـــکو له خــواږه بارانه پس 
د ګل غوندې زرغون مې شو په زړه کې شرر واه
 
بېرته شاته