لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
15.05.2018 د ښاغلي صميم مضمون شعرونه 09.05.2018 د ښاغلي غزت الله ځواب شعرونه 24.04.2018 د ښاغلي شرر ساپي شعرونه 27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه 18.03.2018 د ښاغلي نصرت الله سرور شعرونه 17.03.2018 د ښاغلي جاويد ودان شعرونه
 
غزل
  نېټه: 12.04.2018  
ما مینه کړې ما په ښکلو باور هم کړی دی
په ناپوهۍ کې مې دا کار د خطر هم کړی دی

باران مې اورې له لیمو پسرلی هم راغی 
په ما يي شوی او په دې مې اثر هم کړی دی

داسې هم نه ده چې بې کسه یم بې یاره یمه
یو چا نو ست راته د شونډو د سر هم کړی دی

مړه په دومره وږو سترګو به دې نه راکتل
دې وږو سترګو مې په زړه کې پرهر هم کړی دی

زما په مرګ ورځو، لیمو ، زلفو سلا کړې ده
اوږدو بڼو يې په دې کار کې اشر هم کړی دی

چاچې راکړی کله هم د مینې لاس شرره
بیا يې په زړه باندې ګوزار د خنجر هم کړی دی
 
بېرته شاته