لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه
 
غزل
  نېټه: 26.03.2018  
روح مې دی تنګ شوی د وجود په دريڅه کې
زخم ، زخم ، زړه مې دی دننه په سینه کې

تنګ یم له هجومه، خاموشۍ ته پناه وړم دشپې
اوښکو باندې بل ساتم د درد ډېوې کوټه کې

مینه ده دنیا ، مینه مذهب ، مینه ایمان مې
لوستي فلسفه مې ده د عشق مدرسه کې

نه ځم تر هغې در سره زه ملا جومات ته
څو ما سره ونڅکې ته جام په میکده کې

بیا د چا د قتل اراده کړی لګیا ده
بیا سینګاروي جینۍ ځان ګوره آئېنه کې

څومره یې وژلې، راته څومره به نور وژني؟؟
څومره جنازې به د ارمان وړم هدېره کې؟

نه مې شته په ذهن کې څه، هر څه له ما هېر دي
پاتې یو تصویر مې ده فطرته! حافظه کې
 
بېرته شاته