لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه
 
غزل
  نېټه: 16.03.2018  
پکې پروت يم لکه خلى يمه ژونده 
ستا په سترګو کې لويدلى يمه ژونده

راسره شه نور نو ستړى يمه ژونده 
د غنم په شان چاٶدلى يمه ژونده

ته که هر څومره په شا رانه روان يي 
يو چا تا پورې تړلى يـــــــمه ژونده

د اوبو عوندې د هر څه نه راتير شه 
ګنې مرمه جل وهلى يــــمه ژونده

مور نه هره ورځ تپوس د هر شي کړمه 
مورته ځکه نازولى يـــــمه ژونده

که دې واخيستم نو بير ته به ژوندى شم 
ګنې مخکې دې وژلى يمه ژونده

دې سړي پورې هم تللى يـــــمه ژونده 
خو خالي لاس ترې راعلى يـــمه ژونده

راپسې ذره ذره راټــــــولــــوه مې 
ودان لاره کې شيندلى يمـــــه ژونده
 
بېرته شاته