لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه 18.03.2018 د ښاغلي نصرت الله سرور شعرونه 17.03.2018 د ښاغلي جاويد ودان شعرونه 13.03.2018 د ښاغلي صابر شینواری شعرونه 11.03.2018 د اغلې سميرا کوچۍ شعرونه 10.03.2018 د ښاغلي ناصر سروري شعرونه
 
د ونو ماتم
  نېټه: 05.01.2009  

شپه راخـــتلــــــــــــــې ده، سبا نشته

تیاره رابــــــــره ره، رڼــــــــا نشــــــته

خمـــــونه تش دي میکدې ویجاړې

شرنګ د پیالو نشته، غوغا نشته

بـــــلبـــــــــلان ځـي ونو ماتم نیولی

د ګل  په  شــــونډو کې خندا نشته

مجنون د تورې شپی په دښته کې ورک

شغله د حسن د لـــــیــــــــــلا نشته

نه د تاک لور، نه یې بربنډه نـــڅا

هــــــم یې لـــذت هم یې ګنا نشته

د زاهد عمر لـــــه درواغو نه ډک

یوه شـــــیبــــه پکې رښتیا نشته

دنیا له ښکلــــــو ښاپېرو ډکه ده

خواږه کاته مې د آشــــــنا نشته

کلی هغه دی کوڅې هغه دي خو

د لیونو پکې غــــو غــــــا نشته

ساقي ! ما ښام شو ډیوې ولګوه

ستوري پر ېوتي دي ځلا نشته

آلمان/ مارچ   ۱۹۹۷

 
بېرته شاته