لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه 18.03.2018 د ښاغلي نصرت الله سرور شعرونه 17.03.2018 د ښاغلي جاويد ودان شعرونه 13.03.2018 د ښاغلي صابر شینواری شعرونه 11.03.2018 د اغلې سميرا کوچۍ شعرونه 10.03.2018 د ښاغلي ناصر سروري شعرونه
 
غزل
  نېټه: 13.03.2018  
زمونږه مينه داسې او زمونږ ياري داسې وه
چې نه څه بله جواري نه بيماري داسې وه

چا چې زما تصوير ليدلی نو په زړه زخمي دی
څه مې څهره داسې وه، څه مې شاعري داسې وه

تا چې په هغه شپه ليدلی يم لا هغسې يم
زما وجود داسې، زما کاريګري داسې وه

مونږه د زړونو په درزا کې سره هر څه ووې
ستا ړنګه غيږه او زما بې قراري داسې وه

ستا د غزالو سترګو هغه يو نظر داسې چې
نه فنکاري داسې وه، نه آداکاري داسې وه

په نيمه شپه د سبا رنګ لالي ليده صابره
څه خو حالات او څه زمونږه لاچاري داسې وه
 
بېرته شاته