لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه 09.05.2018 د ښاغلي غزت الله ځواب شعرونه
 
غزل
  نېټه: 11.03.2018  
موږ چې د زړه له تله، تل ځنې نفرت کړى دى
جانانه تا د هغو خلګو وکالت کړى دى

دا ډله نه ده! دا چې نن و موږ ته لاره ښيي
موږ په څو ځله د دې ډلې امامت کړى دى

په ډېر ادب مې ستا د مخ د قران توري لوستي
په ډېر ادب مې د دې پاڼو تلاوت کړى دى

غلامان نه دي مګر بيا هم بندګي لټوي
دوى له شېرينې ازاديه بغاوت کړى دى

چې يې زموږ پر پلوونو دي نوکاري ناستي
هغو خو تل د دې وګړو شفاعت کړى دى

په هره ليکه او هر باب کې يې ژړا ليکلې
چا مو د ژوند د کتابګوټي صحافت کړى دى
 
بېرته شاته