لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه
 
غزل
  نېټه: 10.01.2018  
وركې بــه دغـه تورې شپې شي؛ خو، چې لمر وخيژي
دا تــورې لــــړې به خورې شي؛ خو، چې لمر وخيژي

د سباوون روښــــانـــه وړانــگې بــه تياره وركه كړي
ليرې لـــــه هر څه به پردې شي؛ خو، چې لمر وخيژي

قــــوارې ټـولـــې بـــــه څـرگنــــــدې شي پـخپلـــــه بڼه
ښكاره به هـــر چا ته څېرې شي؛ خو، چې لمر وخيژي

خير دى كه اوس مو په رڼو سترگو كې خاورې شيندي
رســـــوا بـــه واړه دسيسې شـي؛ خو، چې لمر وخيژي

لمـــــر به هيڅكله په دوه گوتو باندې پټ نه كړي څوك
ټول بــــه د ټوكـــو مسخرو شي؛ خو، چې لمر وخيژي

لمــــر بـــه راخيژي د لمــــر مخــه څــوك نيولى نشي
وركې بـــه دا تورې تيارې شي؛ خو، چې لمر وخيژي

حــق او باطل ســـره بېليږي اميد شتـــه((قــتــيــلــــه))
لاړې بــــه ټولــې وسوسې شي؛ خو، چې لمر وخيژي
 
بېرته شاته