لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه
 
خټك بابا
  نېټه: 10.01.2018  
آواز نه و يو تندر و شو خپور په اكوړه كې
ټول كلي كې شوې ساندې گډ شو شور په اكوړه كې
 
سپاهي د باچا خان اجمل خټك له دنيا لاړو
وزر د عـــزائــيل بانـــــدې شو سپور په اكوړه كې
 
يو غر و چې راپريوتو وطن يې په لړزان كړ
باچا د شـــاعـــــرۍ و شـــو نسكــور په اكوړه كې
 
يتيمه شاعــــري شــــوه د خټك بابا په مړينه
خپره شوه د وير كړيكه كور په كور په اكوړه كې
 
ستا گل او بلبل ژاړي پروانه او ډيوه ژاړي
د زړونو په كترو بل شو ســور اور په اكوړه كې
 
په چغه د غيرت پسې حجره او ديره ژاړي
رباب ژاړي لـــه غمــه شو تك تور په اكوړه كې
 
دا ستا ملنگنامې پسې كباب لوغړن گرځم
په زړه د شــــاعـــرانو بل شو اور په اكوړه كې
 
جيلم مچ سنترجيل دې شو راټيټ قدم بوسۍ ته
همت دې هــر رقيب ته شو پيـغور په اكوړه كې
 
ستا ځـــاى كله نيوى شي شاعـــــران په پښتنو كې
” قتيله “خوږ زړگى شو سوى سكور په اكوړه كې
 
۱۳۸۸/۱۱/۲۰
 
بېرته شاته