لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه
 
غزل
  نېټه: 22.12.2017  
هغه شکوه له مانه هم کوى ګيلې هم کوي
زما وجود کى فنا غواړى فاصلې هم کوي

دا انتها د ليونتوب ده که د مينى جنون
د ځان نه لرى مى شړي او بيا نارې هم کوي

ستا ليوني دا ستا د تلو نه پس شو داسى عادت
تا پسې ګوتې د لاسو خوري اندښنې هم کوي

په جدايۍ کى يۍ ځان اور واخلي لبمې هم کوي
ګوره کنه ستا د ساګانو نه جامې هم کوي

زه مى د يار په دغه دو اداو مړ مړ يمه
چى ما ته ګورى د بل چا سره کيسې هم کوي

د دى سړى لاسونه سرهٙ دى د انسان په وينو
بيا تا ته ودريږى خدايه او سجدې هم کوي

ملا صيب وايه چى د دى قاتل سزا به څه وي
خپل ارمانونه قتلوى او جنازې هم کوي

يا خو شاعره شوه قراره يا ميئنه ښکاري 
ځان سره وايۍ غزلونه زمزمې هم کوي
 
بېرته شاته