لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه 09.05.2018 د ښاغلي غزت الله ځواب شعرونه 24.04.2018 د ښاغلي شرر ساپي شعرونه 27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه
 
غزل
  نېټه: 15.11.2017  
خوښ به دې نه شم زه تور داغ يمه په سپينه لمن
څيرې ګرېوان قطره ، قطره زړه او ريښينه لمن

له ما به نه پوښتې چې ولې او په څه وشېده؟
د بې باورو ښار کې خدايه ج دا مهينه لمن!

درد مې د زړه په هر يو ګونځې ګوتې و نښلوي
لکه ماشوم چې مور نه ونيسي شېرينه لمن

متکبره! ته دې دې بل متکبر ته ګوره!
او يو ملنګ ورته نيولې څه په مينه لمن

په کې له ورايه او له کبره سېکې مه غورځوه
تاته خو هسې هم بې قدره ده نيازبينه لمن

ستا په سينه د تمامي عمر ارام خوبونه
ښه زه به کله شم وېده ستا په وريښمينه لمن؟

د جنت دارو په محل کې باچا غواړي جنت
د زړه په سترګو درته نيسې ګلورينه لمن
 
بېرته شاته