لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه 09.05.2018 د ښاغلي غزت الله ځواب شعرونه 24.04.2018 د ښاغلي شرر ساپي شعرونه 27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه
 
غزل
  نېټه: 15.11.2017  
مخکې وه په غلا اوس يې ښکاره جوړه کړې ده
لومه يې د زلفو دوباره جوړه کړې ده

څوک يې د سپين مخ تورې کرښې په غور نه لولي
مونږه ترېنه هسې سپاره جوړه کړې ده

ژوند لکه خاموش سمندر سرکوزى مخکې ځي
غم دې په کې مسته کناره جوړه کړې ده

نن يې محرومانو ته ستنې قدرې وښايه
تا چې هلته بله ننداره جوړه کړې ده

څکلي دې ماشوم نه دي بيا هم جنت کې زانګي
مور ورته ټيکري نه ګواره جوړه کړې ده

ما د خپل ارمان په څلي شمعې بلې کړې
کوم وخت چې ستا ياد پرې تياره جوده کړې ده

قد د باچا ټيټ دى غواړي ټول خلک دوکه کړي
ځکه يې په خپل نوم مناره جوړه کړې ده
 
بېرته شاته