لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه
 
غزل
  نېټه: 15.11.2017  
په سوچ کې پروت يمه او خوب تر نيمو شپو نه راځي
زه به تر څو ويخ يم او هغه به تر څو نه راځي؟

ستا له انکار نه ځار انکار دې هم دا ستا غوندې دى
په پښتو ژبه راته وايې چې پښتو نه راځي

هغسې دروغ وايي چې زړه زما اوبه ، اوبه دى
له دې کنګل نه خو يو څاڅکى د اوبو نه راځي

لمر مخيه ستا ياد په کې هر ماذيګر ډوب شي کنه؟
زما د زړه سمندر ولې په څپو نه راځي؟

دا د عشق لاره ده هر څوک په کې په خپل زړه راځي
د جنون لاره ده هيڅوک په کې په پښو نه راځي

باچا نور پوه کړئ چې بس نور په زنګېدو نه راځي
باچا دې نور په نيمه شپه له مېکدو نه راځي
 
بېرته شاته