لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
10.01.2018 ارواښاد عبدالروف قتيل خوږیاڼی 22.12.2017 د ښاغلي ميوند قرار شعرونه 22.12.2017 د ښاغلي عرفان الله بیدار شعرونه 30.11.2017 د اغلې ذکيه باران شعرونه 20.11.2017 د ښاغلي هدايت الرحمن يار شعرونه 15.11.2017 د ښاغلي نیازالدین باچا شعرونه 09.11.2017 د اغلې ذکيه باران شعرونه
 
غزل
  نېټه: 15.11.2017  
د سوچه شرابو چړه د ياغي وخت په الزام کې
ستا د سر سلامتي به نن شپه پورته کړو په جام کې

مست غرور دې په کې ايښى ، عجيبه نزاکتونه 
د چا زړه ذرې ، ذرې شي د چا زړه ښه شي ماښام کې

څه مزه ده په عفوه کې؟ څه مزه ده سرکوزۍ کې؟
څه مزه ده په قصاص کې ؟ څه مزه ده انتقام کې؟

د دنيا ځواکمن موجود دې ترى تم کړې په وزرو
چې د قام ورکول غواړې نو غرور زيات کړې په قام کې

په جنت کې به يوو داسې؟ لکه دلته چې يوو څنګه؟
وچې شونډې جل وهلي د پى مخو ايزدحام کې

د چا زړه کې مکمل يې! د چا زړه کې بيخي نه يې
څوک دې ستايي په تسبو کې! څوک دې ستايي په رام رام کې

د وصال د شپې له رويه چې اذان پر مونږ و نه کړي
دومره ډېر سړيتوب چېرې؟ ستا د کلي په امام کې

ښاريه دې په راتلو شوله عطرينه ګلورينه 
هر سړى درباندې مړ دى هر سړى دى په الهام کې

د دنيا د باچاهانو باچا يمه او که نه يم؟
د دنيا د ښکلو ښکلى مې راغلى دى په دام کې

چړ = څاڅوبى
 
بېرته شاته