لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
10.01.2018 ارواښاد عبدالروف قتيل خوږیاڼی 22.12.2017 د ښاغلي ميوند قرار شعرونه 22.12.2017 د ښاغلي عرفان الله بیدار شعرونه 30.11.2017 د اغلې ذکيه باران شعرونه 20.11.2017 د ښاغلي هدايت الرحمن يار شعرونه 15.11.2017 د ښاغلي نیازالدین باچا شعرونه 09.11.2017 د اغلې ذکيه باران شعرونه
 
غزل
  نېټه: 15.11.2017  
ښه پرې پوهېږو چې خطر په کې د سر دى زمونږ
په بې باورو باندې بيا ولې باور دى زمونږ؟

ښه څنګه والوزو زخمې، زخمې وزر دى زمونږ
ژوند يو سفر دى او نيمګړى دا سفر دى زمونږ

قصور د سترګو دى او ښکيل په کې نظر دى زمونږ
سينه شپېلۍ، شپېلۍ قطره ، قطره ځيګر دى زمونږ

مونږ ملنګان يوو ځکه تار د يارانو غزوو
مونږ بې هنره يوو همدغه لوى هنر دى زمونږ

خلک چې وخاندي نو پوه شوو چې اختر دى په دوئ
خلک چې وژاړي نو پوه شوو چې اختر دى زمونږ

د محبت وږې يوو ځار ستا په راتګ ژوندي يوو
که نه باچا وپوښته دى په حال خبر دى زمونږ
 
بېرته شاته