لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه 09.05.2018 د ښاغلي غزت الله ځواب شعرونه 24.04.2018 د ښاغلي شرر ساپي شعرونه 27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه
 
غزل
  نېټه: 15.11.2017  
زه دومره مست ولې ېم؟ ولې ناز کوم په لمبو؟
چې خپل احساس نيسم رسا د جهنم په لمبو

ستا د نظر پر ځاى نن ستا د سر خْمار ماتوم
نن د ماڼو پر ځاى لونګ درته سېزم په لمبو

د هجر شپه به په خوږو نغمو روښانه ساتم
بس زولنې به ورته ورو، ورو شرنګوم په لمبو

چې ستا له زلفو د راتېر شمال په بوي ژوندى ٶ
هغه ارمان لکه پتنګ اوس نڅوم په لمبو

ژوند بې له تانه هم تېرېږي آى صنم په لمبو
ژوند بې له تانه هم تېرېږي خو بس سم په لمبو

زه لېونى داسې بې درده او بې څوکه ښه ېم
له دې نه وروسته په خندا ژوند تېروم په لمبو

چې انحصار يې کړم د خپل وجود په ورکو لمبو
اوس خو را وشينده له پاسه شنه غنم په لمبو

زه لا هم سوزم د خپل ړوند عشق په يخو لمبو
ته راته بيا نو راکوې ولې قسم په لمبو؟

باچا به ونيسې رحمانه د نفرت په لمبو
باچا به وسېزې رحيمه د کرم په لمبو

(ه) ...ته!
 
بېرته شاته