لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه 18.07.2018 د ښاغلي نصرت الله سرور شعرونه 13.07.2018 د ښاغلي اکبر سيال شعرونه 31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه
 
غزل
  نېټه: 15.11.2017  
کره خبره ده چې زوړ به شې خو سوړ به نه شې
مينه کې داسې خراب شوى يې چې جوړ به نه شې

زما دا خيال وو چې زما په تلو به مرې ما پسې
زه څه خبره ومه لاليه چې نا جوړ به نه شې

د خپل غرور له دنګو څوکو اوس را لوېږې څنګه؟؟؟
تا خو ويل چې هيڅ راښکته له دې پوړ به نه شې

دا امکان نه لري چې يار به يې غدار به نه يې
دا امکان نه لري چې مار به شې کربوړ به نه شې

چې په ورښمين اوربل لاسونه په مزه راکاږي
درده باور لرمه ځوان به شې خو زوړ به نه شې

تشې پيالې ته شونډې ولې بوڅوې نياز باچا؟
که ډک جامونه درته کېږدمه هم موړ به نه شې
 
بېرته شاته