لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
04.03.2020 د ښاغلي سيد جيلاني جلان شعرونه 27.02.2020 د ښاغلي عبدالله شاه "ژوندون" شعرونه 27.02.2020 د ښاغلي احسان الله درمل شعرونه 20.01.2020 د ښاغلي نسیم ایثار شعرونه 02.01.2020 د ښاغلي درويش روښان شعرونه 24.11.2019 د ښاغلي پير محمد کاروان شعرونه 24.11.2019 د ښاغلي رحمن الله ریحان شعرونه
 
د قدر شپه
  نېټه: 27.05.2017  

 زرزري پڼې په پښو 

د سپوږمۍ د پلوشو 
شپه پسته مسته راتله 
په ادا په کرشمو 
نه غپا مپا د سپو 
نه آواز ؤ د پيشو 
د فطرت ماشوم ويده 
په للو للو للو 
خوبولي کاينات 
په نغمو په الاهو 
وه کراره کراري 
غږ آرام ؤ د څپو 
نسيم غلى را روان 
له درو له سردرو 
د سپوږمۍ ناسته مرغۍ 
په چنار او په ناجو 
ونې ونې په رکوع 
څانګې څانګې په سجدو 
لټېدلى ؤ سُرور 
د ګلپاڼو له وږمو 
ؤ فطرت نشه نشه 
د قرآن په زمزمو 
د ګرمۍ په لاس کې جام 
د جنت د شنو اوبو 
ډک منګي وو د شبنم 
د غاټولو جينکو
رپول د نور وزر 
په لکونو پرښتو 
په ابهام کې پټ الهام 
د ښکلا د فلسفو 
ملاېيکې مېملنې 
د ګلونو د غونچو 
زه راوستى ومه خيال 
له ماشومو کوټنو 
ربه ته يې کړې رښتيا 
دا مې خيال د آيينو
22-اسد-1391 کابل د روژې مبارکې 24 ورځ
 
 
بېرته شاته