لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
15.11.2017 د ښاغلي نیازالدین باچا شعرونه 09.11.2017 د اغلې ذکيه باران شعرونه 09.11.2017 د ښاغلي هدايت الرحمن يار شعرونه 09.11.2017 د ښاغلي شفیع الله با برزی شعرونه 06.04.2017 د ښاغلي ذبيح الله احساس شعرونه 06.04.2017 د ښاغلي سید شاه سعود شعرونه 29.03.2017 د ښاغلي اسیر منگل شعرونه
 
بیا به حُسن مُسن نه وي
  نېټه: 06.04.2017  

 دا چې تش ځایونه پاتې 

دا به څه باندې ډکیږي 
دا چې دومره څه ترې لاړل 
دا به څنګه راستنیږي
د اخلاقو ځای به څنګه 
بی عمله شیبه نیسي 
چې سهار او ماښام نه وي 
څوک به څنګه روژه نیسي
دا دلیل منتشر کړي 
کاینات به څنګه پايي 
چې سړي نه مشین جوړ شي 
نو جذبات به څنګه پايي
دا چې تش ځایونه پاتې 
دا به څه باندې ډکیږي 
دا چې دومره څه ترې لاړل 
دا به څنګه راستنیږي
دې غزل نه مې خوند واخله 
ګوره ژوند په ختمیدو دی 
ایټمي جنګونه راغلل 
ټول جهان په ورکیدو دی
بیا به حسن مسن نه وي 
دا رنګونه دا بویونه 
د جمال وجود به وخوري 
دغه واړه تصویرونه
بیا چې هر څه منتشر شي
د ګلاب کمی به څنګه 
بی ګلابه پوره کیږي 
د کتاب کمی به څنګه 
بی کتابه پوره کیږي
د دې پیغلې جینۍ زلفې 
د دې شوخ هلک لاسونه 
محبت به څنګه کیږي 
چې ایره شي اندامونه
زما نیشت سره به خوا کې 
ستا د زړه پشانته څوک وي 
د انسان پر ځای به دلته 
بیا د ده پشانته څوک وي
دا چې تش ځایونه پاتې 
دا به څه باندې ډکیږي 
دا چې دومره څه ترې لاړل 
دا به څنګه راستنیږي
 
بېرته شاته