لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه 09.05.2018 د ښاغلي غزت الله ځواب شعرونه 24.04.2018 د ښاغلي شرر ساپي شعرونه 27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه
 
غزل
  نېټه: 06.04.2017  

د شور په منځ کې خاموشي ده چاله خوب نه ورځي 

بس خو بی خوبه زندګي ده چا له خوب نه ورځي
 
یو عالمي تنظیم د سرو سترګو زلمو ته واي 
دا نړیواله تودوخي ده چا له خوب نه ورځي
 
ورځ د نښترو صنوبرو په کفن اخته وه 
شپه په سپوږمۍ باندې زخمي ده چا له خوب نه ورځي
 
دلته دردونه دي زخمونه دي وبا ګډه ده 
دلته د ویرې پاچاي ده چا له خوب نه ورځي
 
دشپې په لویو سړکونو مړي نه دي پراته 
یوه عجبه خوشحالي ده چاله خوب نه ورځي
 
دا بی وجوده موسیقي څوک نه پریږدي سعوده 
تیاره هم سمه شاعري ده چاله خوب نه ورځي 
 
بېرته شاته