لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
06.04.2017 د ښاغلي ذبيح الله احساس شعرونه 06.04.2017 د ښاغلي سید شاه سعود شعرونه 29.03.2017 د ښاغلي اسیر منگل شعرونه 28.03.2017 د ښاغلي سلیم بنگش شعرونه 27.03.2017 د ښاغلي ډاکتر اسرار شعرونه 18.01.2016 ښاغلي صديق کاوون توفاني شعرونه 08.12.2015 ښاغلي نقيب احمد اتل شعرونه
 
غزل
  نېټه: 27.03.2017  

 څه رنگې تیرېږي وخت زما، پوښتنه مه کوه

څه به درته وایمه اشنا، پوښتنه مه کوه


اور دی او په اور کې د ژوندون د پاره هڅه ده

جنگ دی د فنا او د بقا، پوښتنه مه کوه


زه چې ورته گورمه شلېدلي گرېوانونه دي

مانه د گلونو د خندا، پوښتنه مه کوه


ډېر څه مې په زړه دي، خو ویلی درته نه شمه

هسې نه چې خوله مې شي خطا، پوښتنه مه کوه


چا ورځنې وکړو په محفل کې د اسرار تپوس

وې ویل چې وي به څوک له ما، پوښتنه مه کوه


۱۲ می ۱۹۷۶ ډېرو

 
بېرته شاته