لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
05.05.2020 د ښاغلي قدرت الله مظلوم شعرونه 28.04.2020 د ښاغلي عصمت باچا رسولي شعرونه 04.03.2020 د ښاغلي سيد جيلاني جلان شعرونه 27.02.2020 د ښاغلي عبدالله شاه "ژوندون" شعرونه 27.02.2020 د ښاغلي احسان الله درمل شعرونه 20.01.2020 د ښاغلي نسیم ایثار شعرونه 02.01.2020 د ښاغلي درويش روښان شعرونه
 
غزل
  نېټه: 22.10.2012  

ځان ساته ګل څانګې د تور وخت د اور لمبه دې خوري

ګرځي هره لار باندې د وږي نظر غله دې خوري

لا دتوروږميو تورې ګوتې دلته ويښې دي
ورو راځه سحره هسې نه چې رانه وه دې خوري

پام دې دى مغروره خپل غرور دې زيږوي ښېرې
تا چې خوري نوخپلې شوخې سترګې شوخ باڼه دې خوري

ستا څه دي رقيبه! يار زما او زه د يار يمه 
مينه خو زمونږده ضرورت څه دى چې زړه دې خوري

اى! د تورې دښتې پاچا تور ليوان دې خوشي كړل
ستا انصاف هم دا دى چې رمې دې خوري شپانه دې خوري

ټول كړه د جلان خياله د ښكلي جزيرې پيڅې
شور كوي د تور سمندرګي ځېږه څپه دې خوري
 
بېرته شاته