لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
17.06.2019 د ښاغلي احسان الله جرس شعرونه 17.06.2019 د ښاغلي اتل افغان شعرونه 17.05.2019 د ښاغلي نصيراحمد شهاب شعرونه 17.04.2019 د ارواښاد عمر دراز مروت شعرونه 27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه
 
ښکاري ته
  نېټه: 25.03.2009  
اي ښکاري اشنا در ته سلام کوم
پریږ ده چې دا سپیني مر غۍ والوزي
لاړ ې شي جوړې جوړې ګلونه شي
ښکلې شي ښایسته شي امیلونه شي
واخلي په وزرونو کې تنکي بچي
سپینې سرې مښو کې زرکني بچي
پام کوه!
پام کوه ماشې ته ګوتې مه وروړه!
*  *  *
اي ښکاري اشنا !درته سلام کوم
پریږده چې داشنو جلګو کې وځغلي
پیغلې د هوسیو د دامان په لور
واړوي پیکي د شنه آسمان په لور
وخاندي راتاوې شي مستي وکړي
ورغړي نخرې وکړي خوښې وکړي
پام کوه!
پام کوه ماشې ته ګوتې مه وروړه
*  *  *
اي ښکاري اشنا ! درته سلام کوم
پریږده د غنچو په لمن پریوځي
زموږ د کلي باغ کې د سپرلي بلبل
زموږ د خمارونو شرابي بلبل
پریږده چي په سرو مښوکو وبولي
زموږ د بام د پاسه د سپرلو سرود
بڼ ته د غوټیو د ښکالو سرود
ځمکي ته دور یځو بارانو سرود
پام کوه!
پام کوه ماشې ته ګوتې مه ور وړه!
*  *  *
اي ښکاري آشنا! درته سلام کوم
ګوره دابې ژبې مرغان مه وله!
نه یې چې کوم ووړ بچی بې مور ه شي
ته هم ګوره پلار یې او بچي لري
پیغله لور ښایسته زوی ګلالی لرې
درد لرې ،ارزو لرې ،زړګی لرې
نو!
اي ښکاري اشنا! درته سلام کوم

پام کوه ماشې ته ګوتې مه وروړه                      کابل۱/۳/۱۳۶۵

 
بېرته شاته