لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
31.05.2018 د ښاغلي عبدالمعروف سباوون شعرونه 28.05.2018 د ښاغلي مفتون مسيد شعرونه 15.05.2018 د ښاغلي صميم مضمون شعرونه 09.05.2018 د ښاغلي غزت الله ځواب شعرونه 24.04.2018 د ښاغلي شرر ساپي شعرونه 27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه
 
غزل
  نېټه: 23.02.2009  

شوخې سترګې مې سوالګرې وې ته نه وې

ته مې زړه کې وې هم لرې وې ته نه وې

اوس چې يوه مې په زړه نه شته نو ته راغلې

چې په زړه مې سل خبرې وې ته نه وې

د زړه کور مې له ګل رنګو خالي نه و

يو مې زړه و زر ډبرې وې ته نه وې

هغه شوخه نجلۍ وه خو شوخه نه وه

يو دوه نورې يې ملګرې وې ته نه وې

تېر ماښام سرې خولګۍ نجونې بېرته راغلې

په لمنو کې يې ګورګرې وې ته نه وې

تا ونه وليدې خو ستا پر پلونو تويې شوې

اوښکې نه وې ملغلرې وې ته نه وې

يو شرر سپرلى ګريوان په مخه راغى

نور عالم اغوستې زغرې وې ته نه وې.

 
بېرته شاته