د غاړې هار

ژوند مې دربخښلى دى په دار مې که
يو ځلې د خپلې غاړې هار مې که
 

خدايه چې لږ وخت خو په کښې تېر کړمه
خير دى د جانان کور کښې بيمار مې که
 

ما باندې جامونه اثر نه کوي
ومې نيسه غېږه کښې خمار مې که
 

خير دى که د ځان لايق مې نه بولې
ځان سره په کور کښې څوکيدار مې که
 

څو پورې به مونږه روسته پاتې يو
خدايه د غفلت خوب نه بيدار مې که
 

زه "نجيب" که تاته پاتې راغلمه
وې مې سه گړنگ ته ورگوزار مې که

٢٩_٩ –  ٠٠٧ ٢

دسمسور په ويبپاڼه کې ټول خپاره شوي او خپرېدونکې لیکنې او شعرونه د ليکوالو پورې اړه لري. دسمسور  ويبپاڼه يې يوازې د خپرېدو وسيله ده، ملتيا يې ورسره نه لرې.