اتڼيزې څڼې

څه شو ها مست
كټوازى اتڼچي
چې يو وار بيا په سپينو زېړو چرمو
كې جوړه شوې تكه سره
او بخمليزه سدرۍ
واغوندې
تېر كړي په برېتو لاسونه
او د ډاله د مست اواز څپو كې
تاو كړي اتڼيزې څڼې
چې د هېواد له خړ شكېدلي
افغاني ټټره
يو وارې پورته كړې
ها خړې
ستړې شوې پښتنې دوړې چې
دا ډېر كلونه يې
په سر دي تېرې شوې
د غمونو شوبلې

ولګينسكي
۲۰۰۲ نوامبر

دسمسور په ويبپاڼه کې ټول خپاره شوي او خپرېدونکې لیکنې او شعرونه د ليکوالو پورې اړه لري. دسمسور  ويبپاڼه يې يوازې د خپرېدو وسيله ده، ملتيا يې ورسره نه لرې.