د ښاغلي خيال محمد کټوازی ژوند لیک

 ښاغلی خيال محمد کټوازی دعبدالغفار زوی  اوپه کال ١٣٢٩ لمريز کي د پکتيا ولايت د مرکز د ښرنې د ملکانو په کلي کي زېږېدلی ، لومړنۍ زده کړي يې د ښرنې د علي بابا لېسه کي نوري زده کړي يې د رحمان بابا او لوړي زده کړي يې د کابل پوهنتون د ادبياتو د ژورناليزم په څانګه کي سرته رسولي .

 له کال ١٣٤٩ لمريز  کال څخه يې د راډيو افغانستان د خپرونو په ډېرو برخو کي کار کړی ، په کال  ١٣٥٥ کي د راډيو د خپرونو د لوی مديريت مرستيال او په ١٣٥٧ لمريز  کي د راډيو تلويزيون د وزارت معين او د سولي او پيوستون د ټولني ريس و .

 خيال محمد کټوازی د ١٣٨٥ لمريز کال په پيل کي داطلاعاتو او کلتور د وزير  په توګه وټاکل شو ، خو د همدې کال د جدي په شپږمه نېټۀ پر افغانستان  د شوروي اتحاد د يرغل نه وروسته  د هغوئ له خوا زنداني او د شورويانو د استعمار په ټول دوران کي د ببرک کارمل د څرخي پله په زندان کي کوټه قلف ساتل شوی و .

 په کال ١٣٦٧ لمريز کي د ګرباچف د بيا جوړوني د لاري له مخي د ډاکټر نجيب دملي روغي جوړي په دوران کي د څه ناڅه نهه کاله زندان څخه وروسته راخلاص او د يو کال وزګارۍ وروسته د باندنيو چارو  په وزارت کي د سلاکار وزير او څه موده وروسته د همدې وزارت  د معين په توګه په کار لګياشو  .

 په کال ١٣٧٠ لمريز کي په لېبيا کي دافغانستان د سفير په توګه وټاکل شو او بيا په لېبيا کي تر يونيم کال دندي وروسته هالنډ ته کډوال شو  ، او تر اوسه په نوموړي هيواد کي اوسيږي .

 ښاغلی کټوازی له ١٣٤٩ څخه تر ١٣٥٧ کال پوري د هيواد په ځينو خپرونو په تېره بيا په راډيو کي ليکني او څېړني لري .

چاپ شوي اثار

 د رڼا بهير                  شعري ټولګه 

پرېشانه ولولې         شعري ټولګه

د ستورو ورا               شعري ټولګه

د مخترم خیال محمد کټوازی څخه یوه نړی مننه کوو چی د (پرېشانه ولولې) او دستورو ورا شعرونو ټولګې  یې زموږ ویب پاڼه په اختیار کې یې کېښودله

دسمسور په ويبپاڼه کې ټول خپاره شوي او خپرېدونکې لیکنې او شعرونه د ليکوالو پورې اړه لري. دسمسور  ويبپاڼه يې يوازې د خپرېدو وسيله ده، ملتيا يې ورسره نه لرې.